Garo Hills-ni chadamberangna armyni a·bao dangdike on·a career guidance aro mikrakataniko salgittamna Selsella C&RD Block-ni ning∙o Narangbari playground-o ong·atangenga. Ia programme ona WGH ni Additional Deputy Commissioner (Planning) Winje R G. Momin aro CRPF-ni Commandant P. Joshi bako ra·enggipa chadamberangna skie on·aniko dakangaha.
Sal gittam ni Career Guidance Program mijal saloni a·bachengate October ni 13 tarikona ong·atengen. Ia programko chadamberangna mikkangchi janggi tangna cholko baseanio armyni a∙bao dangdike on∙angna man∙a gita dakna nanggipa kamrangko mikrakatna ong·atangenga. Ia skie on∙ani programona Selsella jolni bang∙a chadamberangni re·bae bak ra∙eaniko skanggipa salo nikna man·angaha.
Selsella-o songdongenggipa chadamberangna indakgipa programme rangko ong∙atanichi janggi tangna cholko baseanio dakchakbeani aro a∙jana tang∙doaniko ra∙bana dakchakani ong∙anggen.
