Zikzak-Hulukona-Gopinathkilla-ona dakanggipa PMGSY ramako ru∙utbea bilsirangna tarigija galchipe donenganina Civil Society A∙chik Welfare Organisation (CSAWO) HQ Ampati jegalaniko dakataha. Ia ramako tarina jako ra∙e kam ka∙gipa contractor Zikzak ni MDC Akhtar Ali ong∙a ine CSAWO Ampati ni President Tryans Ch. Marak koborna parakataha.
Ia ramani kam ka∙aniko tale ma∙sinagita da∙o Right to Information (RTI) ko jakkale am∙sandianirangko dakenga jekon chu∙ongagita ma∙sie ra∙ani ja∙mano uamang High Court o PIL ko ka∙angskagen ine janapangaha. Ia rama namgijanichi jolni manderang sanna banna re∙a do∙anio, skul aro bajar anti re∙anirango namen neng∙nikaniko man∙enga ine CSAWO dol parakataha. Ia bakni ramarangko tarigija galchipe donako uamang nangnikjae ja∙manchi raka ja∙kuko de∙na miksongenga ineba parakangaha.
