Chang 47 gipa 100 Drums Wangala Festival ko re∙baenggipa November jani 9,10 aro 11 tarikrango WGH a·jani Chibragre Wangala a·damo ong·atanggen ine u·iataniko on·angaha.
Ia manianiko A∙chik jatni ma∙gitcham pagitchamrangni dakarikanirangko ripingna aro mesokna gita miksonge Tourism Department, District Administration, State Bank aro Meghalaya Co-operative Apex Bank-rang bakrime dakchakanichi ong·atanggen. Unbaksana ia maniao bol 100 damarangko dokani, jatni chrok mesaani, dingtang dingtang cha∙ani ringanirangko pala simani, jatni ku·mong melie janggi tanganiko aro dakarikaniko nikangna gita man·anggen.
