District Basketball Association (DBA), Tura ni salgnina basic basketball referee campko ong∙atangaha. Ia campko mijal salo DBA, Tura Garo Hills-o basketball kal∙susaanio gisik nanggiparangna Teteng Aja Community Hall-o a∙bachengate skie on∙angaha. Apsan daken gnigipa salo Don Bosco School Tura ni basketball kal∙chakramo ong∙atangskaaha.
Ia camp-o Garo Hills ni dingtang dingtang a∙jarangoni bang∙a chadamberang sokbae bakko ra∙angaha. Camp o bakko ra∙giparangna basketball kal∙susaanio referee ong∙e maiko dakna nangani kam aro niamrangni bidingo agantalate on∙angaha. Camp ni bon∙kamgipa salo bakko ra∙giparangna certificate rangkoba on∙angaha.
