Da∙al pring 6:30 bajimango Tura Spring Hills o Tata Sumo aro bike bolsa chatinggrike a∙sel ong∙aha. Tata Sumo ML08G4113 ko salenggipa Rakkaldobi, Zikjak oni Sumiron Hajong ong∙a ine u∙iataha.
Ia a∙sel ong∙anio bike registration number AS 01 DU 1153-o gadoenggipa Winsai B Marak aro Tengrak M Sangma sakgnian bilongbee saknaako man∙ani a∙selo Tura Civil Hospitalona ra∙baaha. A∙sel ong∙ani somoio bike salenggipa aro ki∙sango gadogipa sakgnian helmet rangko ganjaha ineba u∙iataha.
