Tura ni MDC Bernard Marak, re·baenggipa MP puonao BJP party oni susanagipa manderangko seokna a·bachenganggen aro Marak an·tangni biming nakatna nangtela ong·ja ine mijal salni bako aganangaha.
Kobor ra·timgiparangna parakangengon Tura songjinma Conrad Sangma ni nokdangna balwa nambatgipa ong·a aro uni susanakenganiko agana man·ja jekon BJP dol gimiksa chanchirimgen ine Marak janapangaha. BJP doloni uko namnike ra·chakgenchimode Marak susana neng·nikani dongjawa ine parakangaha.
MP election ni bidingo agandapengon, Marak una bate u·i ma·sibatgipa manderangba donga aro sakantian seokako man·a bil donga ine janapangaha. Sangma rangna Tura balwa nambatgipa ong·genchimoba Marak rangba tang·dona bil donga ine Tura ni MDC agandapangaha.
