Durama Association of Arts and Culture (DAMA) PRIME Meghalaya baksa bakrime re·baenggipa October 14 tariko 2023, Tura songjinmani Asanang Playground o PRIME MUSIC INCUBATION Grand Finale ni dakmesokaniko ong·atanggen. Ia susaanio Garo Hills ni doka damanio changgipa sapgiparang chu∙gimik dol 18 susaaniko dakanggen ine DAMA dolrang u·iatangaha.
Ia a∙damo susanagita seoka man∙gipa dolrang re∙anggipa ja skuna changgipa sapgipa dolrangoniko skie ra∙anirangko dakange bon∙kamgipa gadangona soke uamangni doka damaniko dakmesoke dingtang dingtang boksis rangna chegipa ong∙nagita susaanggen. Chegipa dol biming mangmangkosan man∙aigija uamangni doka damanirango mikkangchi nambegipa cholrangkoba man·anggen ine ka∙dongani kattarangkoba on∙angaha.
Ia program o doka damanio mingsing minggamgipa dolrang jekai Nokpante, Riprap, Da Suraka aro Nagaland a·dokoni Abdon Mech dakmesokanggen jeon pilak gisik nanggipa manderangkoba bak ra∙chinagita DAMA dolrang didianikoba on∙angaha.
