South West Garo Hills a∙jao manderangni changa sapaniko jakkale dake cha∙enggiparangko tang∙doatna aro dakchakaniko on∙a Ministry of Tribal Affairs nigita PTP-NER scheme ni ning∙o Tribal Artisans Empanelment Mela (TAeMs) ko gnigipa changna October 6 tariko Ampati bajaro ong∙atangna tik ka∙angaha.
Ia melao a∙jani manderangni dingtang dingtang a∙bao jekai wata chenga, sol∙a repa, sika koani aro gipin an∙tangtangni tarigimin bosturangko ra∙bae jinmana mesokna namgipa cholko on∙anggen. TAeMs ge∙sa North East a·jarango songdongkamgipa jatrangna skie on∙ani cholrangko ra∙bagipa, bosturangko tarianio namdapatna dakchakgipa aro pale sim·e cha∙na namgipa gadangko ra∙bae on∙gipa ong∙a. Iako jako ra∙e a∙bachengatanichi baikamgipa dake cha∙ani cholrangko Northeast ni manderangna ra∙bana aro janggi tanganiko dingtangatna miksongangenga.
Ia melako ong∙atanichi manderangna dakchakanikosan on∙aigija jatni gimaangenggipa daka rikani aro bewalrangko ripingna cholko on∙aniba ong∙anggen.
