October jani 4 tariko Meghalaya Basketball Association (MBA), Garo Hills gimikni Basketball Association rang baksa me∙a aro me∙chik dolrangko kal∙susae niatchenge nambate kal∙giparangko Meghalaya Senior National Basketball tournament kal∙susana seokanggen ine u·iataniko dakataha.
Kal∙susae niatchenganiko October 4 tarikni attam 1 bajioni 6 bajiona West Garo Hills a∙jani Don Bosco Higher Secondary ni basketball kalchakramo susaatchenge nambate kal∙giparangko seokanggen. Seokako man∙giparang gnigipa kal∙susaaniko October 7 tarikni pring 10 bajioni Shillong St. Anthony’s School-o kal∙susaaniko dakangskagen. Ia kal∙susaanio nambate kal·giparangko seoke ja gnina coaching camp-o dongate, Punjab, Ludhiana-o ong∙atnasienggipa Senior National Basketball tournament-o Meghalaya a∙dokni palo kal∙susaaniko dakangggen.
Kal∙susaanio bak ra∙nasienggipa chadamberang Meghalaya a∙doko dongkamgipa ong∙nagita nanggen aro uamangni ID card ko sakkina mesokna ra∙bana nanggen ine u∙iataniko District Basketball Association Ku∙rongdikna parakataha.
