Ampati a·jani sorkarini officer rang aro dingtang dingtang departmentni ning·o kam ka·enggiparang Swacchta Hi Seva Campaign 2023 ni bak gita officeni wilwilao donggipa biaprangko mijal salo rongtal an·talataniko dakangaha. Uamang sorkarini kamko ka·giparangsan ong·aigija samtangtango donggipa biaprangko rongtale rakkina nanganiko jako ra·e ku·cholsan kamko ka·angaha.
Unbaksana salantio rongtal an·talatani aro wilwilao donggipa biaprangko rongtale rakkiani gamchatani bidingo manderangna mikrakataniko u·iatrorona Swacchta Pledge ba rongtal an·tale rakkina ku·mikchetanikoba dakangaha.
