Don Bosco College Tura, re∙baenggipa October 4 tariko National Assessment & Accreditation Council (NAAC) ni re∙baaniko nisenge tarisamsoenga jeon college na pilak gunrango tosusasae gadangko pakwate on∙aniko dakanggen. Ia college ru∙utbea bilsirangonin Garo Hills na bida pakwatanio gamchatbegipa ong∙genchimoba NAAC ni gadangrangko tosusaanio B+ grade kosan man∙ronga. Ia chang collegeni ka∙dongani aro kim·kime dingtanganiko ra·bana ku∙cholsan ong∙e bakrimaniko nikna man·angenga.
Re∙anggipa September 27 tariko namgipa skanina aro pattianiko man∙a pilak toromo bebe ra∙giparang college o tom∙e bi∙aniko dakangaha. Ia tom∙e bi·grimanio college ni tang∙doanina aro chatro chatrirangko chu∙sokaniona dilangchina mangsonge nokgipao olakkianiko dakangaha. Re·baenggipa NAAC ni gadangni bidingo sing·anina, College ni padot Fr. Bivan Rodriguez Mukhim ni dilanichi, skigiparang aro chatro chatrirangni bakrimanichi NAAC ni namgipa gadangko man∙a ka∙dongsoenga ine college ni wilwilao donggiparang Ku∙rongdikna parakangaha.
College ni gamchataniko aro Garo Hills na dangdike on∙ani gimin skigiparangko sing∙on adita Lecturer rangde college o poraia matchote skigipa ong∙giparang gnang ine ma∙sina man∙aha jeon uamang college ko dingtang mancha mittelangaha. Da∙o poraienggipa chatro chatrirangba NAAC ni namgipa gadangko pakawataniko nangnike nama skaniko on∙angtokaha. Ian Don Bosco College na 1987 bilsioni a∙bachengaoni namgipa biteko man∙aniba ong∙gen aro dal∙a chu∙sokaniko ra∙bagen ine parakataha.
