East Garo Hills a∙jao mijal salni bako Swachhata Quiz susaaniko Williamnagar songjimao Swachh Bharat Mission aro Williamnagar Government College bakrime college-on sokachakangaha.
Ia susagrikao chu∙gimik ge·bri skulrang bakko ra∙angaha jeon chatro chatrirang chena skani gunko uamangni jotton ka∙anio mesokangaha. Skulrangni gisepo biltinggrike susaaniko dakangaha jeon bon∙kamao Greenyard skul nambatgipa ong∙e skanggipani biapko man∙angaha. Gnigipa biapko Loyola skul man∙angskaaha aro bon∙kamgipa gadangko Educere skul man∙angaha.
Iano bak ra∙gipa skulni skigiparang Swachhata Hi Seva ni giminba bi∙sarangna aganatalate on∙angan baksa songsalo rongtal an∙tale dongani gamchatani bidingoba bakko ra∙gipa chatro chatrirangna agan ku∙pattie on∙aniko dakangaha. Ian a∙jao plastic jakkalaniko komiatna aro plasticko jakkalanio namgijarangni gimin manderangna u∙iatna miksonge a∙ja antio dake re∙mikkanggiani bak ong∙a.
