41 Megh BN National Cadet Corps (NCC) CATC-63 ni camp ko Chasingre ISBT o September 18 tarikoni a∙bachengate September 27 tarikona ong∙atangenga. Tom∙aniona NCC ni dal∙gipa commander rang re∙bae chadamberangna skie on∙aniko dakangenga jeon a∙jani dingtang dingtang college rangoni NCC cadet rang re∙bae bak ra∙aniko nikangna man∙enga.
Ia camp o NCC chadamberangni ranta ka∙na nanganirangko aro bimchipe dangdike on∙ani gunrangko skie ra∙angenga. Uamangni nambee nangan salrango a∙jatangna dangdike on∙anina dingtang mancha mande ra∙aniko medal aro certificate rang baksa NCC ni dal∙batgipa commander rangni jakoniko ra∙chakangaha.
Tura Government College ni NCC cadet sakgniba ia camp o bronze medal aro certificate rangko man∙angaha ine koborna parakataha. Ia camp ona sak 200 na batple NCC cadet rang re∙bae gisiko nangbee bakko ra∙angenga.
