East Garo Hills Williamnagar o game ge·e cha·enggipa dolrangna PRIME Agriculture Response Vehicles (ARV) schemeni gita da·al salni bako gari bol 5 ko a∙dokni Minister Marcuise Marak oprake on·angaha. Ia oprake on·ani program o EGH ni Deputy Commissioner, District Agriculture Officer aro adita official rang dongpae bakko ra·angaha.
Ia schemeni gita gariko on·aniara kona noksiko donge game ge·e cha·enggiparang, uamangni man∙gimin bolam bite me∙su samjakrangko pale sim∙e cha∙anio re·a doanio neng·nikaniko olgrokatna miksonge sorkarini dakchakani ong·a. Ia garirangko jako ra·e jakkalnagita Bonegre ni FPO, Chikalgre FPO, Darugre Chikama FPO, Milawe Songma IVCS Ltd aro Nengmandalgre Women’s Multipurpose Co-operative Society dolrangna garini chabirangko pakwate on·angaha.
