Re·anggipa Sonibar salo EGH Williamnagar ni Rangmal Badim football kal·chakram biapo Bisi Bima Football Club-ni ‘Catch ’em Young’ football tournament jeon bilsi 14 ni ning·o ong·gipa me·a bisarangna kal·susaaniko ong·atenggipani a·bachenggipa salo Marcuise N Marak oprake on·angaha.
Ia oprakaniko dakaniona EGH Crime Branch aro Headquarter ni DSP baksana EGH a·jani District Sports Offer re·bae bakko ra·angaha. Ia ‘Catch ’em Young’ Under-14 football kal·susaaniko ong·atenggipa Bisi Bima Football Club ko chadamberangni janggi tanganio indakgipa kal·susaanirangko ong·ate didianina aro dakdilanina Marcuise N Marak katchabean baksana mittelpilani kattarangko aganangaha. Unbaksana ia bi·sa chadamberang salsao a·dokosan ong·aigija a·songni chugipa gadangrango kal·e niksengatgen ine ka·dongatani kattarangkoba aganangaha.
