Baghmarani Jawahar Navodaya Vidyalaya skulo kam ka·chakram biaprango me·chikrangni kosako kragija dakaniko chel·chakna gita Prevention, Prohibition and Redressal Act 2013, POCSO Act 2012 aro POCSO Rule 2020 niamrango pangchake District Legal Service Authority, South Garo Hills dolrang salsana mikrakatani programko mijal salo ong·atangaha.
Ia tom·anio SGH a·jani Chief Justice Magistrate (CJM) Daniel Marbaniang bi·sarangko aro me·chikrangko skulrango, kam ka·chakram biaprango drae kragija dakaoniko chel·chakna dingtang dingtang niamrangko aro ia kamrangna dongimin sastirangni bidingo talataniko dakangaha.
Skulo bilman·giparang aro skigiparangko bi∙sarangni kosako indakgipa a·sel ong·gnioniko chelchakna gita nanga ja·kurangko de·china didianiko on·angaha. Unbaksana bi·sarangni chagrongenggipa neng·nikanirangko name dake sing·sandina ba chanchirimaniko dakchina gitaba CJM didianiko dakangaha.
Una agreba Assistant Public Prosecutor A D. Sangma, Integrated Child Protection Scheme (ICPS) ni A G. Momin, Sub-Inspector T M. Sangma aro gipin dilgiparangba bakko ra·e ia tom·ani miksongani aro namgnirangni gimin talate on·angaha.
