West Garo Hills a∙jani Tura-o rikenggipa Governor House ko rikanio dongkuenggipa kamrangko matchotatna ja chi∙gni ni somoiko on∙angaha ine General Administrative Department (GAD) ni Minister Rakkam A. Sangma u∙iatangaha. Ia rika cho∙anirangko 2024 bilsini March 24 tarikni gisepo kamko matchotatna gita don∙aha ine Sangma Autumn Session ni gittamgipa salo sing∙anina aganchakaniko dakangaha.
Kam ka∙anirangko a∙bachengatnagita 2009 bilsini November 14 tariko tender ko on∙e bimingrangko on∙china u∙iatanirangko dakangaha aro 2020 bilsini December 3 tariko matchotgija kamrangko ka∙na tender on∙angskaaha. Unbaksana 2022 bilsini October 28 tariko nangdapgipa kamrangko ka∙nagita gitalgipa tender on∙anikoba dakangaha. Governor House ni chu∙gimik kamko matchotatnagita tangka gong 5,47,89,000 crore mangko sorkari chamataha ine Sangma u∙iatanikoba on∙angjolaha.
