North Garo Hills a∙jani pulis dolrang Crime and Criminal Tracking Network & Systems (CCTNS) ko ra·gate jakkalaniko adita Officer in Charge (OC) rang aro CCTNS ko chalaienggiparang baksa SP office o tom·e nipilaniko dakangaha. Ia tom∙e chanchirimaniko NGH a∙jani SP Bruno Sangma aro gipin officer rang dingtang dingtang neng·nikanirangko chagrongengani a·sel iako jakkalanio namdapatnagita mijal salni bako nipilaniko dakangaha.
CCTNS dingtang mancha a∙dokni pilak pulis station rang baksa nangrime am·sandianiko dakanio, see rakkianiko nipilanio, niamrangko tarianio aro manderangna u·iataniko ba dongsogimin report rangko ma·sina man·agita jakkalgipa ge∙sa chol ong·a. CCTNS ko jakkalanichi a·dokni pulis dolrang bakrime u·ie aro ma·sigrikate nengrae kamko ka·nagita dakchakaniko man·enga.
