Chokpot Unit Garo Students’ Union (GSU) ni gital President aro General Secretary-ko seokna gita pu∙onaniko September jani 27 tariko ong·atna gita Election Commission Garo Students’ Union Chokpot unit parakangaha. Ia election o susana gita komibeoba class 12 pass ka∙gipa, A∙chik jat aro Scheduled Tribe ong∙nagita nanggen ine u∙iataniko on∙angaha.
GSU ni dilgipana susana am∙enggipa manderangko September 19 tariko ba una skang nanggipa lekkarangko on∙epachina didiatana. Chokpot jolo class 11 aro 12 o poraienggipa chatro chatrirangko bakko ra∙e pu∙onepachina mol∙molaniko dakangaha. Chokpot Unit GSU general election ni pu∙onaniko September jani 27 o dakangen aro vote pu∙onani matchota joljol chananiko dake apsan salon chegiparangni bimingrangkoba parakate on∙angjolgen ine u∙iataha.
