North Garo Hills, Mendipathar ni Dilma A·pal o Minds Sanctuary Music Academy o Chess Blitz Tournament ko October 2 tarikni 9 bajioni ong·atanggen. Ia kal·susaaniko Minds Sanctuary Music Academy (MSMA), Tura Music Academy aro Garo Hills Chess Association bakrime ong·atanggen ine Minds Sanctuary ni Director u·iataniko dakangaha.
Ia susaanio skanggipa chegipani biapna gong 5,000, gnigipana gong 3,000 aro gittamgipana gong 2,000 tangkarangko boksis on·a tik ka·angaha. Susaanio bako ra·na gisiko nanggiparang 9863111748 numberona call ka·e u·iataniko on·china aro biming segataniko September 30 tarikona rachakgen ine u·iatangaha. Susaanio gimik gadangni changgipa sapgiparang bakko ra·nagita rimchaksoan baksa ian gisik a·ning bite chanchiani aro gisiknigita susaaniko mesokani ong·gen ine MSMA ni Director u·iatangaha.
