Tura Government College National Service Scheme (NSS) ni gita Swachhta Hi Seva Campaign 2023 ko a∙bachengataha. Ia campaignko ong·atanio NSS aro NCC ni me∙a me·chik dolgnina basketball kal∙susaaniko ong∙atangaha. September 15 tarikoni October 2 tarikona NSS ni gita Swachhta Hi Seva Campaign programko ong∙ate a∙jako rongtal an∙tale rakkianio sakantian bak ra∙pagiparang ong∙china didianikoba dakangenga.
Ia programo bak ra∙gipa sakantian a∙jako rongtal an∙tale rakkianina dingtang dingtang ong∙atnasienggipa kamrango gisiko nange bak ra∙angna ku∙mitchetanikoba dakangjolaha. Ia programo sak 60 mang NCC volunteer rang, sak 50 NCC cadre rang, college-ni chatro-chatrirang, sakbri NSS ni Programme Officer, sakgni NCC ko nirok simsakenggipa Officer rang, college ni Principal aro adita skigiparang bak ra∙angaha.
