NEP ko a∙doko ra∙gatani bidingo jajaanirang aro meligrikgijanirang ong∙engon September 13 tariko Chief Minister Conrad Sangma, NEP ko jegalenggipa adita Meghalaya College Teachers’ Association (MCTA) ni memberrang gipin political party rang baksa nangrime kam ka∙enggiparang ong∙a ine matnange aganangaha. A∙doko je chanchirimanirang aro ja∙ku de∙anirangko dakgenchimoba gipin dolrangni sinjetanirang dongode kam ka·anio sorkarina neng∙nikaniko on∙a ine Sangma janapangaha.
Chief Minister ni agangipa kattarangko namnikpae a∙dokni Education Minister Rakkam A. Sangma aganengon a∙doko poraia skianiko politics baksa nangdimatna nangja ine didianiko dakangaha. Poraia skianiko politics oni chel∙e donaniara nambata skie ra∙ani gadangrangko on∙ani ong∙gen aro a∙dokni manderangna namgniko ra∙bana dakchakani ong∙gen ine Sangma agandapangaha.
