South Garo Hills a∙jani India aro Bangladesh ni sima ari jolo, gue gran badingsrukanggipa truck bolgniko 43 gipa BSF dolrang adita mikrakatani koborrangko man∙soe rim∙na man∙aha. Ra∙angenggipa gue granrangni dam gong lakh 40 mangni gita ong∙a ine u∙ina man∙aha. Ia kamko chu∙sokatna sima ari jolo donggipa SGH ni Pulisrang aro BSF dolrang bakrime jako ra∙e ka∙angaha.
Dolgnini gisepo bakrime am∙sandianiko dake Rongra pulis station ni ning∙ao donggipa Gaonbari songni wilwila biapniko, ia truck bolgniko gue granrang baksa rim∙na man∙aha. Rim∙gimin truck bolgniko aro gue granrangko Rongra pulis station ona watate badi ka∙aniko dakangaha ine koborna parakataha.
