West Garo Hills a∙jani Nidanpur Health and Wellness Centre (HWC) ni ning∙o donggipa Williampur songo International Day of Clean Air for blue skies ko maniangaha. Ia salko manianio balwarangko rongtale donnagita, an∙seng baljokaniko rakkina, plastic jakkalaniko komiatani aro bol wa∙arangko ripingna nangani bidingo ma∙sie ra∙nagita bak ra∙giparangna agantalate on∙angaha.
Balwarangko rongtale rakkinagita bi∙sarangna dingtang mancha noksa salsusaaniko ong∙ate chegiparangna boksis rangkoba sualangjolaha. Be∙en bimangko an∙seng baljoke rakkiani bidingoba adita namgipa ranta ka∙ani bewalrangko u∙ie ma∙sie ra∙chinagita ku∙pattianirangkoba on∙angaha.
