National Agricultural Higher Education Project (NAHEP)-Institutional Development Plan (IDP) ni gita “Scope and Potential of Agri-Business for Enhancing Income of Rural Communities in Northeast India” ni bidingo Tura-o program ko ong∙atangaha. Ia programo ICAR, ATARI Zone VI ni Director Dr. G. Kadirvel ge∙e game cha∙giparangna kamaiani aro dingtang dingtang man∙gni cholrangni gimin talate on∙angaha.
Ia program ko Multi Technology Testing Centre (MTTC) & Vocational Training Centre (VTC), College of Community Science aro Tura Central Agricultural University (Imphal) bakrime ong∙ atangaha jeon college ni chatro chatri aro skigiparang dongpae bakko ra∙angaha. Unbaksana ge∙e game cha∙giparangni namgnirangko aro game ge∙e man∙gipa bite, me∙su samjakrangko pala sim∙ani bidingoba talate on∙angjolaha.
