A∙gilsak gimikon September 8 tariko World Literacy Day ine manianiko dakrongenga. Apsandaken mijal salni bako South Garo Hills Baghmara Rangku Memorial Secondary School-oba World Literacy Day ko maniangaha. Ia manianio a·jani DC Shivansh Awasthi mongsonggipa sokgipa ong·e bakko ra·angaha.
Ia programo poraia skiani gamchataniko u∙iatna awareness program koba ong∙atangjolaha. A∙gilsako poraia skiani gamchataniko bariatanichi dingtangatna man∙an baksana baikamgipa aro tom∙tomgipa songsalko rikna dakchani ong∙anikoba chatro chatrirangna talate on∙angaha. Dingtang dingtang skulrango chatro chatrirangna World Literacy Day ni salo Essay sesusaanirang, quiz aro noksa salsusaanirangko dakate maniangdilaha.
