Tura Don Bosco college ni Bachelor of Arts-ni first semester-o poraienggipa chatro chatrirang North Garo Hills a∙jani damgni skie ra∙chakram biap jean Mendal Bosco Skill Institute aro Jorapara Agri-based Green Skill Training Institute ona re∙ange skie ra∙anirangko dakangaha.
Bosco Skill Institute-ona re∙angani somoio solar panel rangko tom∙dake donani bewalrangko skie on∙angan baksana solar panel rangko maidakgipa changa sapaniko jakkale kam ka∙na man∙ani bidingoba skie on∙aniko dakangaha. Una agreba chatro chatrirang badingchiwalani dingtang dingtang cholrangkoba skie ra∙angaha.
Agri-based Green Skill Training Institute Jorapara-ona re∙anganioba bang∙a dingtang dingtang biltang jaktangchi kam ka∙ani cholrangko skie ra∙na man∙angaha. Chatro chatrirang na Bosco Reach Out-ni Associate Director Fr. Ignatius Gari, Life Skill ni bidingo skie on∙anirangkoba dakangaha. Ia programo uamang dingtangmancha jila kaani aro rubber rangko tarichakram biapona re∙ange am∙sandiani aro skie ra∙anirangko dakangna man∙angaha.
