Selsella C&RD block ni BDO Emanuel Momin ni kamna suk ong∙gijaniko Village Employment Council (VEC) secretary rang da∙al salni bako koborna parakataha. Uamangna je projectrang sokbagenchimoba an∙tangtangni tangka paisarangko jakkalsoesa kamrangko matchotatna nangronga ine janapataha. Matchotgimin projectrangni tangka paisarangko man∙pilnagita bosturangko bree jakkalani bill rangko uamangna on∙china BDO na janapon ua VEC rangko 5% tangkarangko gamchengesa man∙a amgen ine aganangskaaha.
Unbaksana mitam VEC secretary rang man∙gni tangkaoniko 5% gamna agangipako gamgenchimoba payment order na soi ka∙e on∙kujaenga ine gipin VEC secretary rangni agananikoba janapatjolaha. Uamangni man∙a nanggnioniko 5% tangka paisarangko indake dabianiara niamni a∙palo ong∙a aro indakgipa kamrangni bidingo suk ong∙gijaniko parakate BDO ni kosako raka ja∙kurangko de∙e mikkangchi lekka sedoaniko dakanggen ine parakataha.
