Mijal salni bako Meghalaya a∙dokni Chief Minister Conrad Sangma aro Telangana ni Chief Minister Chandrashekar Rao Garu Hyderabad songjinmao gronggrikaniko dakangaha. A∙dok damgnini Chief Minister rangni golpogrikanio uamang mikkangchi Meghalaya aro Telangana ni bakrime kam ka∙aniko bilakbatatna chanchirimangaha.
Ia tom∙e chanchirimanio a∙doko neng∙nikani ja∙pangrangko u∙ie naljokatna kam ka∙aniko namdapatna, changa sapaniko jakkale janggi tangenggiparangna dakchakaniko on∙a aro Information Technology ko tang∙doatani cholrangko sandiangaha. Ian mikkangchi re∙mikkanganio chonchongipa a∙dokrang dal∙giparang baksa bakrime dakchakgrike namroro silroroaniko chu∙sokaniona sokatna dakchakbeani ong∙gen ine Sangma parakataha.
