Re∙anggipa salrango Williamnagar JNV skul o poraienggipa chatro saksako kragija dake doka satani ja∙mano EGH a∙jani MLA aro Cabinet Minister Marcuise Marak ni ge∙etaniko man∙e skul ni Principal Anti-Ragging Campaign ko a∙bachengataha. Ia campaign o skulni chatro chatrirangna indakgipa kamrangko mikkangchi ka∙jachina mikrakataniko on∙an baksana agan skianirangko dake saksa sakgipinni kosako kragija dakaniko champengsona man∙agita ong∙atangenga.
Doka man∙gipa chatro bilongbee saknaaniko man∙aha aro uko nambate sanna bannaniko dakna Tura civil hospitalona a∙sel ong∙a bakan ra∙baaha. Ia obosta re∙anggipa antini Sukrobar salo ong∙aha jeon class 10 ong∙gipa chatroko una batgipa classni chatrorang bilongbee dokaha. Ia kamo jak donggipa class 11 aro class 12 ni saksni chatrorangko skulo napaoniko adita somoirangna dontongatan baksana gipin sak 10 jak donggipa chatrorangko agan ku∙pattianirangko on∙a watatskaaha ine koborna parakataha.
