A∙songo poraia skia donggijaniko 2030 bilsini gisepo chu∙gimik bon∙atsrangna aro poraia skianiko tang∙doatna, Meghalaya a∙dokni dambri a∙jarang jean Ri-Bhoi, South Garo Hills, East Jaintia Hills aro West Khasi Hills-o New India Literacy Program (NILP) ko ong∙ate chanchirimangaha.
September 1 oni 8 tarikona Literacy Week ine gisik ra∙aniko dake a∙song gimikon NILP ko ong∙atenga. Ia Program-ko chu∙sokaniona ra∙bana jat antian aro sakanti chatro chatrirangan re∙jomanirangko, chanchirimanirangko aro jerara∙grikanirangkoba dakate NILP ni bidingo u∙iataniko on∙angenga. Ia program ni bimingko Understanding of Life Long Learning for All in Society (ULLLAS) Nav Bharat Saksharta Karyakram ine biming done a∙song gimiko skia poraiani gamchatani gimin skie on∙anirangko aro manderangna u∙iatanirangko on∙angenga.
