All Garo Hills SSA School Teachers Association (AGHSSASTA) ni gita SSA Skul-ni skigiparangni man∙a nanggni dormaharangko ja rikit on∙china aro bariatchina skotong Minister Conrad Sangma na chitti see mol∙molataha.
AGHSSASTA batanggimin bilsi 21 na kamko dangdike on∙enggipa skigiparangna a∙dokni gipin skigiparangni man∙aniko niatgenchimode SSA skigiparangko simsak nirokgija galchipe donenga ine Sombar salo Chief Minister na memorandum seatgipao janapataha.
SSA dingtanggipa ong∙ja indiba RTE baksa apsangipaan ong∙ani gimin State Education Department aro RTE ni niamrango pangchake a∙dokni poraia skiani gadango apsan bak ong∙atpachinaba SSA skigiparang janapataha. Skigiparangni dormaharang re∙anggipa 2008 bilsionin bariroroataniko 2017 ona nikna gita man∙angahani gimin apsandaken da∙oba bariatna nangengaha ine janapataha.
