South Garo Hills a∙jani Karukol songo Krishi Vigyan Kendra ni gita Mera Gaon Mera Gaurav program-ko August 31 tariko ong∙atangaha. Ia tom∙anio bak ra∙gipa sakanti game ge∙e cha∙giparangna me∙su samjakni bitchilrangkoba suale on∙angjolaha.
Mera Gaon Mera Gaurav scheme-ko 2015 bilsio a∙bachengate dingtangmancha game ge∙e cha∙giparangna ge∙a gamani bidingo skie on∙an baksa mikkangchi nambate aro apalbate kam ka∙angna miksonge ma∙mong sorkarini ja∙ku de∙ani ong∙a.
