A∙doko NEHU baksa bakrime chalaienggipa bang∙bata college rangan National Education policy (NEP) ko ra∙gataha ine Education Minister Rakkam A. Sangma parakangaha. NEP ko ra∙gatna neng∙nikanirangko sorkari namen u∙ia aro iani bidingo raken ja∙kurangko de∙enga, jeon rika cho∙aniko namdapatna aro skigiparangko rimnapaniko dakna kam ka∙anggen ine Sangma parakataha.
NEP ko ra∙gatna chanchiani donge batanggimin bilsi gnio sak 509 lecturer rang, skigipa aro college o kam ka∙giparangko a∙dokni dam kolgrik college rangna tikate on∙angaha ine Sangma aganangaha. National Curriculum App ko bikotaniko a∙bachengatahani gimin ru∙utgijaan a∙dok sorkari text book review committee ko ra∙bae on∙anggen ineba ua agandapangaha.
