Sorkarini ra∙bagipa MegLIFE ni ning·o donggipa songrang bol ge∙ani kamko dingtangmancha jako ra∙e hajal 22,500 hectare a·arango bolrangko ge·na re∙chakatenga ine Meghalaya Basin Development Authority (MBMA) oniko u∙ina man∙aha. MegLIFE projectni gita 2023 bilsio bol ge∙aniko dakengon hajal 3000 hectare mangnigita a∙arango bol ge·aniko chu·sokatna man∙aha. Ia kamko ka∙na adita songrang a∙doko buring bolgrimko tangchaatpilna, ripingna aro simsakaniko on∙a jako ra·e bol ge·aniko dakangenga.
Una agreba ia project ni gita guarerangko kana bosturangko sokatan baksana nanggijagipa bolpangrangko den∙pee galani, wa∙al kamaniko bonchangdikatna sima kite donani aro wa∙al kamaniko niroktimgiparangko rakkie jringnan simsakaniko dakenga. Apsan daken buringni mitam biaprango matburingrang maming neng·nikani gri re·rurana man·agita tarimanaha ine u·iatangaha.
