August 30 tarikoni cylinder rongsani damko gong 200 mang komiatna tik ka∙a

A∙songo manderangni neng∙nikaniko olgrokatna LPG cylinder ni damrangko komiatnagita ma∙mong sorkari tik ka∙angaha. August 30 tarikoni 14.2 Kg LPG cylinder ni dam gong 200 mangnigita a∙song gimiko ko∙miataha. Delhi-o 14.2 Kg LPG cylinder ni dam gong hajal 1,103 oni gong 903 ona tang∙onataha.

Da∙o LPG ni damko komiatani Pradhan Mantri Ujjwala Yojana (PMYU) o ga∙akgipa nokdangrangna 200 ka∙e komiatenggipako dakangkuaigen jeon PMUY nokdangrangna komiatanigitade Delhi o cylinder rongsani dam gong 703 ong∙gen. India a∙songo 31 crore na bate LPG jakkalenggipa nokdangrang gnang aro PMUY ni namgniko man∙enggipa 9.6 crore nokdangrang donga jeon damrangko komiatachi nokdangantina cylinder jakkalanio dakchakani ong∙anggen.