Shillong, Tura aro Ri-Bhoi a∙jarango damgittam Medical College rangko a∙bachengataniko dakna nanggnirangko a∙dok sorkari matchote tarimanaha ine August 25 tariko parakataha. Iani bidingo kam ka∙na committee ko songe on∙angaha aro collegerangko a∙bachengatna man∙agita chanchirime parakanikoba dakangaha.
Tura Medical College o rika cho∙anirangko dakangkuenga aro skie ra∙aniko a∙bachengatna Health Department college o kam ka∙nasienggiparangko bon∙kame sandianiko dakanggen. Unbaksana Public Private Partnership (PPP) model ko ja∙rike gipin mingsinggipa sanna bannaniko chalaienggiparang baksa college ko bakrime a∙bachengatna nianganikoba dakanggen ine parakataha.
