West Garo Hills a∙jani Selsela Community Health Centre (CHC) ni Medical Officer Dr. Meryka Sangma uni ka∙rimskarang baksa a∙sel ong∙gniona soknagipa an∙o donggipa magipa saksani nokona re∙ange grongea. Selsella CHC ni medical department-ni parakatanigita ia an∙o donggipa ma∙gipa sanchakram biapona re∙ange bi∙sako an∙paknagita jechakgipa ong∙a.
Ia ma∙gipaona re∙ange grongenba noko bi∙sa an∙pakanio a∙sel ong∙gnirangni gimin agantalate on∙an baksana sanchakram biapo bi∙sa an∙pakanio a∙sel ong∙gnioniko naljokatna man∙aniko u∙iate on∙angaha. Sanna bannaniko dakenggiparangni adita namgnirangko u∙iate on∙ani ja∙mano Selsella CHC sanchakram biapona re∙bae bi∙sa an∙pakna ra∙chakaha ine koborna parakataha. Uni bi∙sa an∙seng baljoke atchiaha jekon da∙o Selsella CHC o nirok simsakaniko dakenga ine parakataha.
