SGH a∙jani sima ari jolo India oni Bangladesh a∙songona badingsrukangenggipa pekatgipa bostu brown sugar kg hajal 3 ko salangenggipa gariko BSF sipairang aro pulis dolrang bakrime nirok sandianiko dake rim∙na man∙aha. Kakketgipa koborrangko man∙soe India aro Bangladesh a∙songni sima ari jolni ramako salangenggipa gariko champengsoe rim∙aha ine koborna parakataha.
Rim∙a man∙gipa mande sakgnian Baghmara-oni ong∙a jeon pulis dolrangni u∙iatanigitade uamang pekatgipa bosturangko badingsrukangna Bolero pick-up gario gataha ine parakataha. Uamangni garioniko man∙gipa bosturangko Baghmara pulis station ona ja∙manchi am∙sandianiko dakna ra∙angaha.
