2023 bilsini Inter Mahari Football Tournament kal∙susaaniko maming neng∙nikani gri tom∙tome matchotatna miksonge a∙jani District Sports Officer, Superintendent of Police aro gipin Officer rang baksa golpo chanchirimanirangko dakangaha. Apsandake kal∙susaaniko nina re∙baenggiparangko nirokna chadambe volunteer rangnaba kamrangko tikate dakna nanga kamrangko agantalate on∙angaha.
Unbaksana nina rebagiparangna niamrangko tarie stadium ning∙aona mai bosturangko ra∙bana man∙gen aro man∙jawa uarangko nirokchina u∙iatangaha. Chu aro gipin pekgipa bosturangko, silchidarerangko kal∙susaaniko nina napengon ra∙napna man∙jawa ine u∙iatangaha.
