Da∙al salni bako South West Garo Hills a∙jani Nogorpara ni MDC Linekar K Sangma, NPP State Working President Semford B. Sangma aro Boldamgre ni MDC Stevie M. Marak mongsonggipa sokgipa ong∙e SWGH a∙jao donggipa Kalaipara songo gitalko Urban Health & Wellness Centre-ko oprake on∙angaha.
Ia gital Centre ko ra∙bae on∙anichi uno songdongenggipa manderangna saa ding∙ani somoio nambate aro altuae sanna bannaniko dakna dakchakani ong∙gen. Unbaksana mongsongbate an∙o donggipa ma∙giparangna uamangko nangagita simsakna aro biji su∙anirangko dakna man∙agita miksonge a∙bachengate ong∙angaha.
