Adita jarangna skang Tura songjinmao donggipa PA Sangma Sports Complex ni pakma be∙gruani bidingo badi ka∙doaniko Meghalaya High Court ra∙galataha. HC Division Bench ni agananigitade be∙grugimin pakmarangko tarina a∙bachengataha jekon mikkang jani gisepon tarie on∙gen ine stadiumko rikgipa contractor ni u∙iataniko parakataha. Be∙gimin pakmarangko apsan dake taritaigija, stadiumko bariate taridapna nanganirangko contractor parakangaha.
Chief Engineer, State Sports Council ni on∙gimin report-ni gita stadium sepango donggipa ramarangoniko jabolrangko rongtalatenba ua ramako re∙enggipa manderangna neng∙nika gri re∙na dona man∙aha. Ia stadiumko taridaptaina miksonganio dingtang biap gita re∙ani ramako tariani cholko man∙aha ineba janapangaha. Unbaksana stadiumona re∙bagiparangni garirangko dona baiprangko tarie on∙anggen jedakode ua ramako re∙ruraenggipa manderang neng∙nikani gri re∙na dona gita man∙gen ine janapangaha.
