Meghalaya a∙doko mikronni sabisi man∙ani batrikrikaniko pilak a∙jarango nikna man∙enga. Ia sabisiko Garo Hills ni dingtang dingtang bako jekai West Garo Hills, North Garo Hills aro South West Garo Hills a∙jarangoba giproroenganiko knasonagita man∙aha. Ia sabisiara rokkomsa virus-ni a∙sel ong∙a aro saksa sakgipinona batrikrikna altubea. Ia sabisini chinrangara mikron gitchakani, mikchi ong∙ani, mikron sa∙dika aro teng∙aniko nichakna man∙gijagiparang ong∙a.
Meghalaya a∙doko sak ritchasa mangna batpile manderang mikronni sabisiko man∙ani batroroengani gimin Ri-Bhoi a∙jani District Medical & Health Officer (DMHO) simsaksoanirangko dakchina manderangna mikrakatanikoba on∙ataha. Ia sabisi mongsongbate chonchongipa bisarango man∙batenga ine koborna parakataha. Ia sabisiko champengna gita manderangko name jakrangko jaksuchina, ba∙rarangchi mikron ripakani jaman name galchina, an∙tangtangko rongtale dongchina aro mikronni doctor ko gronge sabisini gimin nambate u∙ie simsakchina gita DMHO ge∙etangaha.
