Aadhaar-na biming segatanio South Garo Hills a∙jaan a∙song gimiko komibatsranggipa ong∙enga. SGH a∙jao poraigipa chatro chatrirangni Aadhaaro biming segatani 20 per cent mangni gitasan ong∙a. Skul bi∙sarangni Aadhaaro biming segatgijani mingsa mongsonggipa a∙selara bi∙sarangni atchiani ja∙mano ma∙a paarangni birth certificate rangko tarina gisik nanggijanirangan ong∙a.
Aadhaar-na bimung segate ra∙ani komibeani a∙sel MGNREGA scheme-rangko man∙ani bidingoba bang∙bata songni manderang neng∙nikaniko man∙enga. Job card donggiparang 50 per cent mangni gitasan Aadhaar-o biming segatanirang dongani a∙sel MGNREGA ko Aadhaar baksa nangrimatna nangani gimin neng∙nikaniko man∙enga ine DRDA ni Project Director aganangaha. .
A∙jao Aadhaar-o biming segatanirang komibatengani gimin, DRDA aro iani bidingo jako ra∙e kam ka∙enggipa department rangko Gram Sevakrangko jakkale kona noksik songrangona re∙e Aadhaaro biming segatanirangko dakchina Education Minister Rakkam Sangma ge∙etangaha.
