East Garo Hills a∙jani sakgni me∙asa chadamberang Odhisa a∙dokni Bhuvaneshwar songjinmao September jao ong∙atnasienggipa 1st Tier National Junior Football Championship o kal∙na seokako man∙angaha. Seokako man∙gipa Bipiush G. Marak defender biapko ra∙e kal∙gipa ong∙a aro Kangkam G. Momin saksa goalkeeper ong∙a. Kangkam Momin batanggimin salrango Europe china re∙ange nambata gadango kal∙aniko skie ra∙na cholko man∙gipaba ong∙paa.
Ia kal∙susaanio ge 16 dolrang bak ra∙anganiko nikanggen jeon toksani ning∙o dolbri dake suale susaaniko dakatgen. Uamang sakgnini namgipa cholko man∙anina William Nagar a∙jani MLA Marcuise N. Marak aro Deputy Commissioner katchapaaniko on∙atan baksa namgipa skanikoba on∙ataha. Ia cholko man∙aniara A∙chik jatna changsatai mikkim rasongko ra∙bagipa aro sakanti chadamberangna mingsa namgipa dakmesokaniko on∙gipaba ong∙a.
