Chang 77 gipa India a∙songni jakgitel ong∙ani salko manianio North Garo Hills a∙jao Resubelpara District Basketball Association (RDBA) baksa nangrime bang∙a basketball-ko kal∙na namnikgiparang salsana basketball kal∙susaaniko mijal salni bako ong∙atangaha.
Ua kal∙susaaniko Dilma Deficit Higher Secondary School-ni basketball kal∙chakramo ong∙atangaha. Ia kal∙susaanio me∙asa aro me∙chik susagiparang chu∙gimik sak 84 bakko ra∙angaha. Ia kal∙susaanio kal∙chakram biapon uamangna dolko sakgittam ka∙e suale on∙angaha.
Iandakgipa kal∙susaanirangko ong∙atrongna nanga maina kal∙susaaniko dakrongosa chadamberang gisiko nangbate bakko ra∙ronga ine RDBA aro bang∙a basketball ko namnikgiparang didie aganangaha.
