2023 Inter Mahari Football Tournament o me∙chik dolni gnigipa semifinal-ko Mrong mahari aro Chambugong mahari baksa kal∙susaanio Mrong mahari chegipa ong∙angaha. Mrong maharirang goal 1 ko Chambugong maharirangni kosako chipna man∙e final-ona doangskaaha. Kal∙a gimiko Chambugong maharirang goal sa koba Mrongrangni kosako chipna man∙jae semifinal o sirikna nangao ga∙akaha.
Kal∙susaanio chegipa ong∙na gita Tachi Mrong Marak maharitangna goalsako chipaha aro uni nitobee goal man∙anichi chegipa ong∙na dakchakaha. Mrong mahirirang final-ko Mangsang mahari baksa August jani 19 tariko kal∙susaaniko dakangskagen.
