India a∙songni jakgitel ongani bilsi 77 gapaniko manina gita West Garo Hills District Administration a·jao Mini Bazaarko August jani 14-15 tarikona ong·atangenga.
Ia Mini Bazaarko a·jani DC Jagdish Chelani bako ra·e oprakaniko dakangaha. Mini Bazaarko ong·atanio adita department-rang jekai MBMA, CMYC, MSRLS, PRIME MEGHALAYA, DCIC aro MGMP bakrime ong·atenga.
Da·aloni ong·atenggipa Mini Bazaaro Garo Hills ni bang∙a Entrepreneur-rangni jaktangchi tarie palgipa bosturangko palaniko dakenga.
Iano bako ra·enggipa adita songadam nokadamni entrepreneur-rangba an∙tangtangni changa sapanirangko jakale mamanti bosturangko tarie palaniko dake bakko ra·angenga.
