West Garo Hills a∙jao Jal Jeevan Mission (JJM) ko kam ka∙ani bidingo a∙dokni PHE aro Soil & Water Conservation department ni Minister Marcuise N Marak tom∙bimonganiko dake chanchirimaniko dakangaha. WGH a∙jao nokdangantiona rongtala chiko sokatna JJM ko chu∙sokatna jotton ka∙aniko nambate kam ka∙angna man∙agita tom∙anio chanchirimangaha.
Unbaksana Marak adita PHE Department ni official-rang baksa JJM project-ni ning∙ao donggipa FHTC scheme ni kam ka∙anirangko Dalu Doldengagre aro Tura songjinmani Lower Kongbe Ading jolona re∙ange nirokaniko dakangaha. JJM ko department ni kam ka∙anirangko manderangni namnikaniko nike Marak uni kusi chu∙ongnikanikoba parakangaha.
