South Garo Hills a∙jao Indo-Bangla sima ari jolniko gong 3.74 lakh mang damni badingsrukanggipa samrangko BSF dolrang August 11 tariko rim∙na man∙aha ine koborna parakataha. Ia samrangko Bangladesh a∙songode niamgri badingna uamang ra∙angenga ine BSF dolrang u∙iataha. Rim∙a man∙gipa samrangko customs official-rangna pakwate BSF dolrang on∙angaha.
Sima ari jolrango niamni a∙palo badingsrukanirangko bang∙bata changon nikna man∙enga. BSF dolrangni dontonggija nirok sandianichi sima ari jolrango ia kamrangko naljokatna dakchakbeani ong∙a. Matchu matte, pekatna jakkalgipa bosturang aro uandake mamanti bosturangko sima ari jolo badingsrukna jotton ka∙anirang gnang. Batanggimin adita salo EJH a∙jani sima ari jolo Alto gario matchuko Bangladesh a∙songona badingsrukna ra∙angaha jekon BSF dolrang nirok sandianiko dake matchuko naljokatna man∙aha ine koborna parakataha.
